Murad Muradov

Həmtəsisçi, direktor müavini

Murad Muradov 2011-ci ildə Azərbaycan Respublikası Dövlət İdarəçilik Akademiyasının Beynəlxalq Münasibətlər üzrə bakalavr, 2013-cü ildə Azərbaycan Diplomatik Akademiyasının Diplomatiya və Beynəlxalq Münasibətlər üzrə magistr və 2015-ci ildə London İqtisadiyyat Məktəbində Müqayisəli Siyasət üzrə magistr proqramını bitirmişdir. O, 2017-ci ildə Con Smit təqaüdü proqramı da daxil olmaqla həm Azərbaycanda, həm də xaricdə bir sıra təlim proqramlarında, yay məktəblərində və təqaüdlərdə iştirak etmişdir. Onun tədqiqat sahələri postsovet ölkələrinin təhlükəsizliyi və geosiyasəti, Qərbi Avropa siyasəti və beynəlxalq siyasi iqtisadiyyatı əhatə edir.

Simona Skotti 

Tədqiqatçı

Simona Skottinin əsas təcrübə sahələrinə Cənubi Qafqazın geosiyasəti, Azərbaycan və Ermənistan arasında müharibədən sonrakı proseslər, Türkiyə təhlükəsizlik siyasəti, İtaliya-Azərbaycan münasibətləri, enerji təhlükəsizliyi daxildir. O, Venesiyanın Ka Foskari Universitetində Beynəlxalq Münasibətlər üzrə magistr dərəcəsinə malikdir. Kolumbiya, Rusiya və Serbiyada mübadilə proqramlarında iştirak etmiş, Təhlükəsizlik Tədqiqatları və Siyasi Elmlər üzrə təhsil almışdır. Simonanın məqalələri bir çox beynəlxalq media orqanları tərəfindən dərc edilib.

Məhəmməd Məmmədov

Tədqiqatçı

Məhəmməd Məmmədov Bakı əsaslı beyin mərkəzi Topçubaşov Mərkəzində müstəqil ekspert olaraq fəaliyyət göstərir. O, həm də Xəzər Universitetində köməkçi müəllimdir.

Cənab Məmmədov magistr dərəcəsini Qlazqo və Tartu Universitetlərində tamamlayıb. Onun tədqiqat sahələri Azərbaycanın xarici siyasəti xüsusi diqqətə alınmaqla, enerji, əlaqə, postsovet məkanında geosiyasi və keçid dövrünün inkişafını əhatə edir. Onun məqalələri tez-tez bir sıra milli nəşrlərlə yanaşı, "Georgian Institute of Politics", "National Interest" və "New Eastern Europe" kimi beynəlxalq jurnallarda dərc olunur.

Murad Təhməzov

Ekspert

Murad Təhməzov "CRESCENT" Araşdırmalar Mərkəzinin həmtəsisçisi və direktor müavinidir. Murad Təhməzov Fransız-Azərbaycan Universitetində Kompüter elmləri ixtisası üzrə bakalavr təhsili almaqdadır. Maraq dairələrinə Yaxın Şərq regionu və İran daxildir.

Fərid Mirzəli

Ekspert

Fərid Mirzəli "CRESCENT" Araşdırmalar Mərkəzinin həmtəsisçisi və direktorudur. Fərid Mirzəli 2019-cu ildə Bakı Dövlət Universitetində Beynəlxaq Münasibətlər üzrə bakalavr dərəcəsi alıb. O, növbəti iki ildə Azərbaycan Dillər Universitetində İsrail və Yaxın Şərq üzrə regionşünaslıq sahəsində magistr dərəcəsinə yiyələnib. Maraq sahələri Yaxın Şərq və Şimali Afrikadakı geosiyasi məsələləri əhatə edir. 

Nika van Gelder

Məzun

Nika van Gelder Rijksuniversiteit Groningen-də LLM İctimai Hüquq və Beynəlxalq Münasibətlər üzrə magistr dərəcəsinə malikdir. O, Hollandiyanın Considerati konsaltinq firmasında yeni texnoloji inkişafların cəmiyyətə necə uyğunlaşmasına dair məsləhətlər verən təcrübə keçib. Onun tədqiqat sahələri əsasən Qərbi Avropa, Cənubi Qafqaz, diskurs təhlili və gender tədqiqatlarını əhatə edir.