6 sentyabr 2026-cı il tarixində Topçubaşov Mərkəzi 2026-cı il Sarayevo Təhlükəsizlik Konfransı çərçivəsində Cənubi Qafqazın dəyişən geosiyasi mənzərəsini müzakirə etmək məqsədilə ekspertləri bir araya gətirən panelə ev sahibliyi edib.

Topçubaşov Mərkəzinin direktoru Rusif Hüseynovun moderatorluğu ilə keçirilən “İki od arasında Cənubi Qafqaz: Rusiya-Ukrayna müharibəsi və İran böhranı fonunda regional sabitlik” adlı müzakirədə Azərbaycanın ABŞ-dakı keçmiş səfiri və Straife şirkətinin idarəedici direktoru Metyu Brayza, Hudson İnstitutunun Yaxın Şərqdə Sülh və Təhlükəsizlik Mərkəzinin direktoru Mayk Doran və İnkişaf və Diplomatiya İnstitutunun (IDD) Siyasət Araşdırmaları, Təhlil və Nəşrlər üzrə direktoru Damyan Krnyeviç Miskoviç iştirak ediblər.

Panel zamanı Ermənistan, Azərbaycan və Gürcüstanın Rusiya-Ukrayna müharibəsi və İran böhranı fonunda, eləcə də böyük güclərlə münasibətlər çərçivəsində xarici siyasətlərini və regional mövqelərini necə yenidən nəzərdən keçirdikləri müzakirə olunub.

Natiqlər həmçinin ölkələrin suverenlik və strateji manevr imkanlarını gücləndirmək səylərinə toxunaraq, əlaqələndirici və nəqliyyat layihələrinin regionun strateji mühitinin formalaşmasında artan rolunu vurğulayıblar. Xüsusi diqqət Azərbaycanın artan geosiyasi əhəmiyyətinə və formalaşmaqda olan regional düzənin müəyyənləşdirilməsində roluna yönəldilib.